Veka som snart er over ;)

 

Merkar at det ofte blir lenge mellom kvart innlegg -

det har vel si enkle forklaring i at kvardagen er

ganske hektisk - og det blir ikkje nok tid....

Men no kjem det eit nytt i alle fall ;)

 

Oskar har begynt på "Knøttetrim" denne veka -

det var stor stas for minstemann og få lov til å vere ilag

med kompisane sine i gymsalen -

så dette vil vi prøve å få til å vere med på :)

 

 

Storebror Ulrik var med for å hjelpe mamsen -

det er ganske tungt å bære på Oskar,

så det kan vere godt med litt hjelp til underholdninga i alle fall -

og Ulrik gjorde ein super jobb!

 

Det kjekkaste var nok denne fallskjermen -

både å ligge under den og å bli dratt medan barna låg på den ;)

Vi gledar oss til i mårgå - for då er det ny knøttetrim.

 

 

Torsdag var det ny tur til tannpleieren -

Oskar går dit tre gangar i året for å passe litt ekstra på tennene sine,

No avtalte vi at han skal gå to gangar i året -

for tennene ser kjempefine ut og då er det ikkje nødvendig

å gå så ofte som vi har gjort no :)

Stas med premiar frå tannpleieren : to ringar, ein liten båt,

ei lita skattekiste, klistremerker og to nye tannkostar :)

Det var nok meir stas med premiane enn det var å sitte

i tannlegestolen ilag med mamma - men vi kom oss gjennom

det denne gangen også og eg syns at Oskar var kjempeflink!

 

 

I helga satte papsen og eldstemann line - og heile gjengen vart

med for å drage denne :) Oskar syns det var stor staså køyre fort med båten -

og spennande med både fisk og måsar.

Det vart ikkje den store fangsten - men kjekt var det!

 

Oskar og mamsen :)

 

Denne stygge ueren fekk vi også,

men den kasta vi ut igjen -

den var ganske liten og så har den så mange stygge piggar

(sjølv om eg veit at det er god matfisk)

 

I dag har vi spist "prinsefisk" til middag

(torsk i fløytesaus) og den smakte kjempegodt -

sikkert litt ekstra god fordi vi hadde fiska den sjølve ;)

 

 

I dag har vi vore mykje ute - og også benytta anledninga

til ei siste økt på trampolina - no er den pakka vekk for vinteren :)

 

Håpe dåkke også har hatt ei fin veke!

 

Klem frå Sissel