På bedringens vei :)

Etter å ha vore frisk sidan vi reiste på ferie,

har Oskar hatt den første haustsykja allereie...

Hadde håpt at han skulle få vere frisk til det

var litt lenger utpå hausten, men den gang ei.

 

Denne gangen starta det litt forsiktig,

og vi håpte vel at det skulle gå over av seg sjølv...

Men den gang ei -

natt til mandag fekk han høg feber - og det var

berre å sette i gang med sos-regime.

For dei som ikkje veit kva det er -

så er det at Oskar ikkje kan få noken proteinar i det heile tatt,

han får då resuorce energipulver som er blanda ut i vatn -

og kan spise litt fruktpure, frukt eller saftis i tillegg.

 

Feberen var vanskelig å få ned, sjølv om vi denne gangen

gav paracet og ibux om kvarandre kvar fjerde time -

han var slett ikkje i form og har vore til dels veldig lei seg -

sikkert fordi han har hatt vondt ein eller fleire plassar i kroppen.

Så i går var det tur til legen ilag med papsen -

der var legen heldigvis grundig og gav Oskar pencilin.

Crp-en var ikkje så veldig høg, men hadde auka på frå søndag

kveld...han var ikkje veldig raud i øyrene heller og ikkje så raud i halsen.

Så dette var vel i litt udefinerbar sykje ;)

Men det har visst gått slike febersykjer i nærområdet den siste tida -

som pencilin har effekt på.

 

Oskar har lav terskel for å få pencilin -

dette for at kroppen hans ikkje tåler å ha høg feber over tid,

sos-regimet kan max giast i 48 timar - deretter må han starte opp på

proteinar igjen slik at kroppen ikkje skal begynne å tære på si eiga muskelmasse.

 

I dag har Oskar vore i så pass bra form at han har brukt

stolen sin ein del - her teiknar han ilag med assistenten sin :)

Vi har fått laga nye augepeikeark som Oskar brukar når han

skal vise kva farge han vil ha

Snusken til mamma!

 

 

Så gleda var stor når feberen begynte å sleppe taket i natt,

og i dag har han vore i relativt grei form.

Litt lei enno, men trur det også kan vere kjedsomhet ;)

 

Så no kryssar vi fingrane for at han kan få gå i barnehagen igjen i

mårgå - og leike seg ilag med vennane sine der!

 

Eg prøver å ikkje tenke for mykje på alt som kan gå galt

når Oskar er sjuk, eg veit det - men orkar ikkje å dvele så mykje ved det.

Vi leve her og no, og ingen veit kva morgendagen bringe uansett -

så det er viktig å ta vare på øyeblikka <3

Også denne gangen holdt blodprøvene seg fine -

og blodet gjekk ikkje i "surning",

reknar med at det har sammenheng med rask reaksjon i heimen.

 

Oskar har fått arva "datamaskina" til Ulrik og

denne var stor stas :)

 

 

Vi har etterkvart blitt ganske flinke til å klare å behandle Oskar sjølve,

og dermed unngå å bli innlagt på sjukehus.

Vi er veldig fornøgde med barneavdelinga i Førde,

men har ikkje noke stort ønske om å tilbringe så mykje tid der.

 

Så får vi håpe at vi ikkje går inn i ei ny periode der Oskar er sjuk

annankvar veke (for slik har det vore stort sett frå oktober til april

dei siste par åra). Men i år satsar vi på at det kanskje kan bli bedre ;))))

Klem frå Sissel og Oskar

Ps. kjekt at så mange følger oss på facebook også ;)