Lycraortose/-drakt

Fekk spørsmål om kva lycraortose/-drakt er -

eller supermanndrakt som vi likar å kalle

den her i huset :)

Og tenkte eg skulle svare etter beste evne....

Håpet vårt med denne drakta er at Oskar skal

bli sterkare i kroppen, få mindre spasmer og

vridningar og hindre feilstillingar.

Oskar har ei drakt med halve ermar og føter -

han er i utgangspunktet ein veldig varm gut

som fort blir svett - mange gangar kaldsvettar han

også på grunn av at han blir "stressa".
Drakta tok vi mål til på barnehabiliteringa i Førde,
og den vart sydd i England ;)

(Oskar likar ikkje blitz)

Den har glidelås både på ryggen, framme og

på føtene i tillegg til glidelås i skrittet slik at det skal

vere enkelt å skifte bleie.

Den er faktisk lettare å ta på og av enn eg trudde den

skulle vere - men trur vi skal be om glidelås på

armane også neste gang....dei er litt trange å få på.

I tillegg har ortopediteknikk laga eit
hol til knappen på magen slik at det er enkelt å
gi Oskar den maten han ikkje klarer å ete sjølv.

Vi håpar at når han no kanskje får ei betre holdning i

sjølve midtkroppen, kan bruke kreftene sine på å

klare å holde haudet sitt litt betre -

og at det skal bli lettare for han å sitte i ein stol.

Drakta tar han på om morgenen i titida -

og har den på til kveldsstellet klokka åtte

(no etter at vi er ferdige med opptrappinga,

starta med 2 timar for dag - så 4 og så 8,

anbefallt opptrapping på denne type drakt)

Oskar har akseptert fint å ha på drakta -

og vi må vel snart ha ei til,

for denne må vaskast minst kvar tredje dag

fordi den blir utvida når den blir brukt.

Så langt er vi veldig fornøgd med den og ser

at Oskar ligg beinare på golvet når han brukar den

enn om han ikkje har den på.

Og på kvelden når vi tar den av -

er han ganske avslappa ei stund etterpå :)

Takk til barnehabiliteringa og Ortopediteknikk

for god hjelp med å få ordna dette :)

Vi vil ikkje la noko vere uprøvd i forhold til å gi

Oskar ein betre kvardag!

Klem frå Sissel