"Snakkekort" OVERALT :)

Dei siste kveldane har gått med til å lage

fleire snakkekort til Oskar :)

Jammen er det mange kort som skal på plass

for at han skal kunne bli "bada" i språk

slik som andre på hans alder...

Dette er nok den mest tungvindte måten å ha

eit språk på... og eg kan ikkje anna enn legge

meg flat for Oskar si tolmodighet i forhold til å få sagt kva han vil...

Den siste veka har vi brukt augepeikeboka aktivt -

og Oskar syns det er kjempekjekt!

Han kan fortelle at han er tørst, kva han vil leike med,

om han har vondt (men ikkje kor - så det må jobbast med),

han vil gjerne fortelle at han vil ha ein klem ;) vesle

flørten vår! og har heile tida lyst på eple :)))

Mest av alt har han stooooor glede av å få gi uttrykk for

kva han vil og ikkje vil....

Men Oskar har også blitt flink til å lage lydar som

vi kan tyde som ja og nei!

Og ansiktsuttrykket fortel oss også masse :)

Men over til desse snakkekorta.

Oskar og vi kom tidleg inn i eit nettverk for foreldre,

barn, pedagogar og assistentar som brukar ASK

(alternativ og supplerande kommunikasjon),

han var då den yngste som var med!

Og vi har jamnt og trutt besøk av Anne Merete som hjelp oss

å utvikle korleis vi skal kommunisere med Oskar.

No skal vi snart starte opp med uttesting av datahjelpemiddel,

der han skal bruke dataskjerm som les kor pupillane hans ser -

og dermed kan gi han eit språk

(eg håpar berre at stemma på den ikkje høyrest ut som

ein vaksen mann....hjelp....men den tid den sorg)

Slik som det ser ut no - så får vi besøk her i mai!

Kjempespennande!
Og eg veit at dei les bloggen til Oskar -

VI GLEDA OSS TIL DÅKKE KJEM!

Her er dei siste kveldane sin produksjon :

Snakkekort som angår mat og matsituasjon på

stolen til Oskar ved bordet.

Kan sjå på symbol for typar mat, drikke, dessert - om han

er svolten, kor han vil sitte, sonding mm

Har laga klar kort til sydenturen -

med både kort til stranda og bassenget ;)

Kort om følelsar - som ein kan ta med på tur ol.

Turkort - både om ting ein ser, kan gjere på,

mennesker, veiret (noko vi snakka mykje om i Norges vakre land)

og forskjellige dyr som vi brukar å treffe på.

Festa i skikortklype og med snor til vogna ;)

Fleire kort på badet, bla til tannpussen :)

Diverse om husarbeid på kjøkkenet!

Spennande, ikkje sant?

Det syns i alle fall vi!

Neste prosjekt blir å lage ei leikebok til Oskar :)))

Klem frå Sissel