My Tobii

Då er det klart :

Oskar skal få MyTobii!

Oskar har fått ny nakkestøtte som stabiliserar

haudet han bedre - så får vi sjå om han treng mindre støtte

når han kanskje klarer å holde haudet meir stabilt sjølv :)

Han har gjort det over all forventning på

utprøvingsdagane og vi er kjempestolt av han!

Alle fagpersonane rundt han er kjempefornøgd med

korleis det har gått desse dagane -

og takk for at dei, ilag med oss, har hatt

så sterk tru på Oskar og at han kan få til :)

Vi sat på eit anna rom og fekk observere kor flink Oskar er :)

På skjermen til venstre ser du kva Oskar ser på sin skjerm,

der den raude firkanten er ser du kva han har valgt å sjå på.

På skjermen til høgre er det bilde av Oskar og nede på skjermbildet

ser du to kvite prikkar på svart bakgrunn - dette er kor augene

til Oskar ser - fantastisk ikkje sant?

Vi har aldri vore i tvil om at Oskar forstår,

og det er nok grunnen til at han blir så frustrert innimellom også...

ikkje rart når du ikkje får lov til å seie kva du vil,

kor du har vondt eller kva du ikkje vil....

Men Oskar er også god på å gi beskjed uten ord,

men det er ikkje alltid vi tolkar det rett...

MEN : no skal Oskar få eit språk!

Her er skjermen Oskar brukte - den han skal få no er

litt mindre, denne er 17 tommar medan den nye skjermen er 15 tommar

Det er langt opp og fram enno - og

det vil kreve mykje av både Oskar, personalet hans

og oss her heime - men vi er alle villige til å legge

ned det arbeidet som trengst for å få til dette!

No i starten skal det vere mest leik og morro -

Oskar skal lære seg å bruke fleire "knappar" på skjermen

og skal bruke den til blant anna leikar, spel og filmsnuttar -

men opp og fram skal dette blir språket hans -

og det er nesten ikkje til å klare å forklare kor stolte vi

er av minsteguten vår!

Eg fekk også lov til å komme inn ein tur på slutten av dag 2

slik at Oskar kunne vise mamsen kor flink han er ;)

For han har jobba beinhardt desse dagane -

og viser stor glede av å holde på med det -

og då er vel utgangspunktet så bra som det kan bli -

resten er opp til oss rundt han -

for Oskar har vist oss at han kan!!!

Skikkelig engasjert!

Selvfølgelig skal vi fortsette med "pappen" -

eller ask-symbol på papir og i bokform slik som no,

i tillegg til dataskjermen -

for ein dataskjerm er ikkje så lett å ta med seg overalt ;)

Vi gledar oss til fortsettelsen :))))

Klem frå Sissel